Opisyal nang giablihan sa Municipality of Liloy ang National Rescuelympics, usa ka nasudnong kalihokan nga nagtigom sa mga rescue team gikan sa nagkalain-laing lugar aron ipakita ang ilang kahibalo, kahanas, ug kahandaan sa pagresponde sa mga emerhensya ug kalamidad.
Kabahin sa maong kalihokan ang serye sa mga kompetisyon nga magsulay sa abilidad sa mga partisipante sa lain-laing sitwasyon sa emergency response. Gilauman nga mapalig-on niini ang koordinasyon, propesyonalismo, ug padayon nga pagkat-on sa mga responder sa tibuok nasud.
Isip host municipality, gipadayag sa lokal nga panggamhanan sa Liloy ang ilang pagpasalamat sa pagsalig nga maoy mopasiugdang sa maong nasudnong kalihokan ug sa pagdawat sa mga delegado nga mitambong.
Sumala sa LGU Liloy, nagpadayon ang ilang suporta sa mga programa nga nagpalig-on sa kahandaan batok sa kalamidad ug nagpalambo sa kaluwasan sa komunidad.(JENIFFER JR. DELICA)
Source: Municipality of Liloy