Gikalipay sa Commission on Elections (COMELEC) nga hapsay ug wala na nagkalat ang mga campaign materials palibot sa mga kalsada.
Kini ang gipabati ni Atty. Wilfred Jay Balisado, ang Regional Executive Director sa COMELEC-IX atul sa 2nd Command Conference sa Zamboanga del Norte Joint Security Command Center and Launching of Provincial Committee on Kontrabigay, Oktubre 20, sulod sa Plenary Hall, ZN Convention and Exhibition Center ning dakbayan sa Dipolog.
Kini gitambungan sa PNP, COMELEC, Philippine Army, Department of Education ug uban pa.
Dugang ni Atty. Balisado nga 10 na lang ka adlaw, Barangay and Sangguniang Kabataan Elections (BSKE).
Base sa ilang na-obserbahan nga walay nagkalat nga posters tungod kay nausob napud ang pamaagi sa pagpangampanya karon ug misanong na ang mga kandidato sa gabayan sa COMELEC.
Nasayran nga gisugdan sa Oktubre 19 ang campaign period alang sa BSKE 2023.
Kini gumikan sa ka agresibo ni Atty. George Erwin Mojica Garcia, COMELEC Chairman alang sa kausaban niini nga pahamtangan ug silot ang makalapas sa gabayan ning maong BSKE.
Matud pa ni Atty. Balisado nga sa rehiyon 9, adunay 27 ang nahatagan sa show cause order ug gipasalig ni Chairman Garcia nga ipa-disqualify kini.
(Source: Provincial Government of Zamboanga del Norte Facebook page)