Nunot ning nagsingabot nga piniliay sa Barangay ug Sangguniang Kabataan Elections 2023 lakip ang Kalag-Kalag, ang kapulisan sa Police Regional Office (PRO-7) mupatuman og hugot nga seguridad.
Gibutyag ni Police Lieutenant Colonel Gerard Ace Pelare, tig pamaba sa PRO-7, na gihan-ay na nila ang tanan para sa maong kalihukan.
Adunay mga kapulisan nga ipang deploy sa mga lugar na dagsaon og daghang mga tawo.
Mukabat sa 12,000 ka mga personnel ang ipang deploy karong Oktobre 30, 2023 atol sa adlaw sa piniliay.
Human sa piniliay mo deretso na usab sila pagbantay sa mga sam-ang na posibling dagsaon og daghang mga tawo karong Nobembre 1 ngadto sa 2.
Nag awhag ang kapulisan sa publiko nga dili mo kumpyansa kay mao usab ni ang panahon nga mulihok ang mga dautang elemento sa katilingban. (Renante Lada, photo courtesy of PRO-7)