Gipalanog ni Atty. Crystha Joyce Marie S. Tormis, Comelec Officer sa Dapitan ang mahitungod sa ilang 2ND City Joint Security Coordinating Council (CJSCC) Meeting kauban ang Philippine National Police(PNP), Bureau of Fire Protection (BFP), Armed Forces of the Philippines (AFP), Philippine Coast Guard (PCG) alang sa umaabot nga eleksyon aron mapreparar ang security sa deployment sa Automated Counting Machine (ACM) alang sa umaabot nga Mayo 12,2025 National and Local Elections (NLE).
Mao kini ang tumong ug ingun man gidala usab ang ACM sa Dapitan City Police Station aron ma-orient ang mga uniform personnel sa bag-ong features sa machine. Dugang pa ni Atty Tormis nga mas maayo nga daghang tawo nga masayod sa bag-ong features sa ACM lakip na ang kapasidad sa machine.
Angay nga pagabantayan sa mga botante nga dili magasobra sa pagboto sa inyong mapilian nga kandidato ilabi na kadtong wala kaapil sa road show, mas maayo pa nga makulang sa pagboto kaysa manubra gumikan mao kini ang rason nga mag-over vote ka ug mahimong masayang ang imong pagbotar.
Pagpaklaro pa sa Comelec Dapitan nga mas maayo nga magsubay ug tutokan kung pila ang angay nga pagabotaran sa kinsa ang imong ganahan nga candidate. Lakip sa bantayanan ang paglapas sa pagshade, mas maayo fully shade ug dili sulatan ang balota, dili butangan og ngalan. Kinahanglan dili angay sulatan ang timing marks sa kilid gumikan posibleng dili kaonon sa machine.
Kung panahon sa piniliay kung adunay pagka-aberya susama sa dili pag-function sa ACM o gitawag nga troubleshoot adunay mga technical support staff nga gikan sa Comelec nga andam sa pagresolba sa machine. Gibutyag ni Atty Tormis nga sa miaging election aduna usab pagka-aberya sa machine ug dili kana malikayan nga dunay mga technical problem apan dunay mga pamaagi nga maga-request ang Comelec sa command center alang sa replacement sa machine.
Pagpasabot pa sa Comelec Dapitan nga ang contingency plan anaa sa Provincial Comelec kung pila ang angay nga ibutang nga machine diin ang suma total nga botante anaa sa 75,658 ang tanang botante sa dakbayan sa Dapitan.(ANGELICA T. OBINA)
Source: KASIKAS