Tingkagol sa prisohan homan madakpi sa kapulisan ang usa ka 52 anyos nga Lalaki mga alas 3:25 ang takna sa hapon,Enero 20,2025 didto sa Brgy. Birayan, Rizal, Zamboanga del Norte.
Ang maong dinakpan naila nga si Eric Sulipo Montelibano,adunay live-in partner,usa ka small-scale miner operator nga taga Sitio Layungon, Pongol, Libona, Bukidnon, ug temporaryong nagpuyo sa Brgy. Minlasag, Sibutad, Zamboanga del Norte.
Gidakop kini pinaagi sa gilusad nga intelligence-driven operation sa mga personahe sa Rizal MPS kauban ang mga personahe sa Libona MPS, Bukidnon PPO, PRO10, 901st MC RMFB 9, ug 1st PMFC ubos sa warrant of arrest alang sa 2 counts of Qualified Rape nga giisyu ni Hon. Jeanne Marie A. Abarrientos, Presiding Judge sa RTC, 10th Judicial Region, Branch 11, Manolo Fortich, Bukidnon, niadtong Nobyembre 9, 2020, nga walay piyansa nga girekomendar.
Ang suspek kasamtangang gitanggong sa Rizal MPS alang sa tukmang disposasyon, samtang nagpaabot sa pagbalik sa warrant ngadto sa nag-isyu nga korte.(MEDALYN U. BORJA)
Source: ZNPPO