Na balhog sa bilangguan ang usa ka apuhan nga gipasanginlan nga ni molestiya sa iyang mga apo. Didto kini nahitabo sa Dakbayan sa Lapu-Lapu, kagahapong adlawa, Enero 22, 2024.
Ang mga biktima nagpanuigon og 8 anyos ug 15 anyos nga nakasinati og trauma sa ilang kaugalingon human nga kini gihulga nga patyon kung musumbong si pagpanamastamas sa apohan.
“24 oras gikan sa atong pagpost, nadakpan gyud dayun ang Lolo sa atong kapulisan. Ug karon, ato siya gibisita sa prisohan kung asa siya nabilanggo aron pagatubagon ang dakong kasalan-anan ang iyang nabuhat. Dako kaayu nga kalapasan ang iyang gibuhat di lamang sa mata sa balaud sa atong nasud kundi lakip na sa mata sa Diyos maong aron mahatagan og hustisya ang iyang biktima, magpabilin siya nga binilanggo sa pila ka tuig nga gisaysay sa balaud. Pwerte niyang hilak sa akong atubangan tungod kay pwerte ang iyang pagmahay sa iyang nabuhat apan ang iyang paghilak di gayud makabalik sa panahon ug labawng dili gayud makawala sa trauma nga gidagangatan sa iyang mga apo,” segon ni Lapu-Lapu City Mayor Junard Chan.
Awhag sa Mayor nga dili kini sundon kay matilawan gyud ang hait nga ngipon sa atong balaud ug dili usab niya lung-an hangtod nga kini madakpan.
Sa pagkakaron patong-patong na mga kaso ang ipahamtang sa lolo nga niunay sa iyang mga apo.
I via Renante Socia Lada