Dipolog: Coastal clean-up initiative, gipahigayon sa Brgy. San Antonio, Katipunan, ZDN

0
36
photo courtesy of DENR Zamboanga Peninsula

Usa ka Coastal Clean-Up Initiative ang gipahigayon ubos sa pag organisa sa buhatan sa CENRO Manukan isip pagsaulog sa Month of Ocean niadtong Mayo 22, 2024, didto sa Barangay San Antonio, Katipunan, ning lalawigan sa Zamboanga del Norte.

Ang maong kalihokan naglatid sa tema sa International Biodiversity Day, “Be part of the Plan,” diin usa kini ka pagpasiugda sa epekto sa indibidwal nga aksyon sa biodiversity diin, gisalmotan sa 194 ka partisipante, lakip ang mga lokal nga residente, 4Ps members, mga opisyal sa Barangay San Antonio pinangulohan ni Hon. Alma L. Jaictin, ug mga estudyante sa Forestry gikan sa JRMSU Katipunan Campus. OIC-MENRO sa Katipunan, Engr. Diomedes Tomogon, kinsa miapil usab, nga nagpasiugda sa kolaborasyon nga mga paningkamot sa mga stakeholders.

photo courtesy of DENR Zamboanga Peninsula

Ang CENRO Manukan sa makanunay, nakigtambayayong sa mga lokal nga gobyerno, eskwelahan, ug komunidad aron sa pagpalambo sa umaabot nga mga inisyatibo nga nakatutok sa pagpreserbar sa natural nga kahinguhaan diin usa ang kabaybayunan sa Barangay San Antonio ang lugar nga alang sa marine turtle nesting.

Pinaagi sa hiniusang paningkamot miresulta sa pagtangtang sa 57 ka sako sa mga debris, nga naglangkob sa mga plastik, coconut husks/shell, driftwood, glass bottles, tin cans, ug cloth materials ang hustong nahipos, isip usa ka lakang nga limpyo alang sa pagpanalipod sa pinuy-anan sa mga pawikan ug pagpreserbar sa katahum sa baybayon. (Medalyn U. Borja)

(Source: DENR Zamboanga Peninsula)

Leave a Reply