Cebu: Nag-date daplin sa baybayon gilugos, suspetsado nasikop

0
8
photo credits to the owner

Wala nagdahom ang uyab nga sa ilang pag date daplin sa baybayon ni resulta na hinuon nga nalugos ang iyang hinugugma.

Didto kini nahitabo sa baybayon sa Barangay Cuasi, lungsod sa Loon, Bohol, niadtong nakalabay na gabii, Mayo 29, 2024.

Ang suspetsado naila sa pangan nga Brian Augusto, hingkod ang panuigon.

Sa imbestigasyon sa Loon Police Station nasayran nga ang manag-uyab nag date sa maong lugar sa dihang niabot ang suspetsado nga armado.

Wala kapalag ang uyab nga lalaki og nalugos gyud ang iyang uyab sa atubangan niya mismo.

Nagpatabang ang mga biktima sa kapulisan og daling gihimo ang hot pursuit operation.

Tungod sa tabang sa mga tambay ug mga barangay tanod sa Brgy. didto sa Brgy. Badbad Occidental, lungsod sa Bohol, nadakpan ang suspetsado human sa ginukdanay, kagahapong adlawa, Mayo 31, 2024.

Desidido karon ang mga biktima nga mupasaka og tukmang kaso batok sa suspetsado nga walay. (Renante Socia Lada)

Leave a Reply