Malampusong napahigayon sa mga personahe sa City Disaster Risk Reduction and Management Office sa dakbayan sa Dapitan, nga gipangunahan ni Engr. Nelson Quimiguing, ang clearing operation didto sa Sitio Lucas, Brgy. Santo Niño, Dapitan City, ning Probinsiya sa Zamboanga Del Norte, niadtong nakalabay’ng adlaw Agusto 19, 2025, sa may alas 5:00 sa sayong kabuntagon.
Nasayran nga Nalu-ad o Natumba ang dakong Punoan sa Kahoy dalpin sa nasangpit nga National Highway sa nahisgutang Barangay, diin dili kini maagian sa bisan unsang matang sa sakyanan, tungod kay Dako ug Taas ang maoy Kahoy, nga nasarado gyud mismo ang dalan sa maong National Highway.
Tungod sa aktibong koordinasyon sa mga katawhan ug mga Opisyales sa naasoy nga Barangay, paspas dayon kining gi-aksiyonan sa mga personahe sa CDRRMO, diin milungtad lamang og pila ka minuto, natang-tang gilayon ang maong dakong Punoan sa Kahoy nga natumba og mibabag sa maong National Highway, diin ang maong panghitabo, konektado matud pa sa nasitian nga Tropical Depression “Huaning”, nga nagdala og makusog nga ulan ning maong Probinsiya, nga nagmugna usab og pipila ka mga Landslide ug mga Pagbaha sa dakbayan sa Dapitan.(Julius Esmade)