Padayon nga gi-andam sa mga personahe sa Bureau of Fire Protection sa Dapitan City Fire Station, ang ilang Pisikal nga Kondisyon, alang sa ilang mga tulubagon ngadto sa Publiko nga maoy ilang ilang gialagaran, diin ang mga pamaagi nga ilang gibuhat, mao ang regular nga pag-ehersisyo, og ang mga pamaagi, aron padayong molantip ang panghuna-huna, pinaagi sa pagdula og Pickle ball, aron mamahimong listo kanunay ang ilang mga utok, diin ang maong dula, gipahigayon niadtong Agusto 19, 2025.
Ang nasangpit nga inisyatiba nagpadayon, pinaagi sa pagpaningkamot ug pagpanguna sa Acting City Fire Marshal sa Dapitan City Fire Station, Fsinsp. Aprilyn B Barbaso, nga maoy usa usab ka aktibo nga misalmot sa nasangpit nga dula, kauban ang mga gipangunahan niini nga mga personahe sa nahisgutang buhatan.
Sa pahayag nga giluwatan ni Dapitan City Acting City Fire Marshal Fsinsp. Barbaso, kung anaa sa pinakamaayong kondisyon ang lawas sa usa ka tawo, mapiho nila nga mahatag ang insaktong serbisyo ngadto sa mga katawhan, isip paghatag og proteksiyon sa ilang mga Mehoras, lakip na usab niini ang ilang mga Pamilya, batok sa Sunog dili buot masinatian sa matag Pamilyang Pilipino.
Dugang pa nga pahayag niini, nga kon ugaling adunay mga emerhensiya nga mahitabo sa inyong lugar, ayaw lamang kamo sa paglangan, nga ipadangat kini sa ilang buhatan, pinaagi sa ilang mga hotline number’s, aron ila dayon kining marespondiha, ang ilang bugtong hangyo sa publiko, nga dili gamiton ang ilang hotline numbers, sa unsa mang mga binoang nga mga binuhatan, aron dili magka problema kon ila kining masakpan.(Julius Esmade)
Photo: BFP DAPITAN