Ang dakbayan sa Dapitan pinaagi sa City Tourism Office nagtanyag sa pipila ka mga Tourist Destination alang sa mga turista nga buot makasinatig hamugaway ug maanindot nga aktibidad, adventure ug uban pang masadya nga kalihokan sa sulod sa dakbayan sa Dapitan.
Bag-ohay lang pipila sa mga sakop sa Media ang nakasinati sa gitanyag nga Media Tour ubos sa pag organisar sa City Tourism Office sa Dapitan, diin naadtuan ug nasulayan ang pipila sa tourist attractions, destinasyon,ug mga aktibidad sama sa River Cruise,Dakak Golf Tour, Zipline Experience and Adventure Zone Tour, Unlimited Rides sa Glorious Fantasy Land Theme Park,Colours and Fantasy Grand Show and Parade ug isa sa ilang gitanyag nga Snow World Experience sa Glorious Fantasy Land ,ug ang nailhan nga Dakak Park and Beach Resort sa Dapitan.
Kahibaluoan nga ang gitanyag nga Zipline sa dakbayan sa Dapitan mao ang the Longest Dual Zipline sa tibuok Asya nga masinati ug makita lang sa Dapitan nga ikapasigarbo ngadto sa mga bisita ug mga turista nga buot musadya sa maanindot nga lugar sa Dapitan.
Tungod niini,mas palapdan pa sa buhatan sa City Tourism Office sa Dapitan ang ilang paningkamot nga maka-agni,maka akomodar ug makadasig ug daghan pang mga bisita,mga turista nga maing-ganyo sa pagbisita nga nangita ug maanindot nga destinasyon ning lalawigan sa Zambonga del Norte nga usa sa makatabang usab sa pagpalambo sa turismo dili lang sa dakbayan sa Dapitan kundili pati na niining tibuok Zamboanga Peninsula.
News by: MEDALYN U. BORJA