Dakpan sa gihimong seaborne patrol operation sa ZDN MARPSTA ang 6 ka mga indibidwal,mga alas 2:30 sa kadlawon,Enero 20,2025 didto sa kadagatan sa Brgy.Mabunao, Rizal, Zamboanga del Norte.
Ang mga dinakpan nagpangidaron ug 21 anyos,26 anyos ,22 anyos,36 anyos, 24 anyos, ug 32 anyos,puros lalaki,mananagat ug residente sa Brgy Manla, Sapang Dalaga, Misamis Occidental, kinsa gidakop tungod sa pagkalambigit sa ilegal nga pagpangisda nga hingpit nga nakalapas sa Seksyon 101 sa RA 10654 (Pagpangisda sa Marine Protected Area).
Nasakmit atol sa operasyon ang usa ka walay marka nga motorized banca nga adunay gibana-bana nga kantidad nga P30,000, gipadagan sa usa ka Sumo Marine Gasoline Engine 15HP nga adunay defaced serial number; 1 ka air compressor nga adunay tangke nga nagkantidad ug P10,000; 3 ka homemade spear gun nga nagkantidad ug P1,000; 2 ka homemade scoop nets nga nagkantidad ug P 200;1 ka homemade underwater flashlight nga nagkantidad ug P300; 6 ka homemade diving fins nga nagkantidad ug Php 600; gibana-bana nga 100 metros nga compressor hose nga nagkantidad ug Php 2,000; ug gibana-bana nga 5 ka kilong isda nga nakuha nga nagkantidad ug P500 nga kinatibuk-ang gibana-bana nga kantidad sa mga butang nga nakumpiska kay P44,600.
Ang mga dinakpan ug mga butang nga nakumpiska anaa na sa kustodiya sa ZDN MARSPTA alang sa tukmang disposisyon ug legal nga aksyon. (MEDALYN U. BORJA)