Gipahigayon sa D’Food Hub and Events Center sa Dipolog Boulevard ang 2025 PWD Financial Subsidy Pay-Out sa Dipolog City pinaagi sa City Social Welfare and Development Office (CSWDO), kauban ang Persons with Disability Affairs Office, Dipolog Association of Persons with Disability, ug Center for Children with Special Needs, sugod Nobyembre 19-21, 2025.
Gihatagan og pinansyal nga tabang ang mga persons with disabilities sa tibuok siyudad, isip kabahin sa padayon nga paningkamot sa LGU sa pagpalig-on sa inclusive social protection.
Mitambong si City Mayor Roberto Y. Uy kauban si City Councilor Dr. Ryan Niel A. Asprer, Assistant CSWDO Ms. Jovencia D. Gregory, ug City Social Welfare and Development Officer Mr. Patrick S. Jalapadan, nga nagpanghimatuud sa lig-on nga suporta sa siyudad alang sa kaayohan ug empowerment sa mga PWD.(JENIFFER JR. DELICA)
Source: Dipolog City Government