DAVAO CITY – Nakatukod na pag-usab sa ilang mga balay ang mga residente sa Barangay 21-C, Piapi Boulevard, Davao City, nga naapektuhan sa sunog niadtong Oktubre 2, 2025.
Kapin duha ka semana na silang nagpuyo sa ilang bag-ong tukod nga panimalay human makadawat og tabang pinansyal gikan sa lokal nga kagamhanan. Nagpasalamat ang mga residente sa mahinabangong suporta sa gobyerno nga naghatag kanila og oportunidad nga makabangon dayon gikan sa insidente.
Gipasabot usab sa mga residente nga kini na ang ikaduhang higayon nga nasunog ang ilang lugar, hinungdan nga dako ang ilang pasalamat sa padayon nga pagtabang ug pag-atiman sa mga apektadong pamilya.(Camille Santos Naraga)(Source: Contributed)