Gitabangan niadtong Nobyembre 18, 2025 ang upat ka managsuong Sumiyaya sa Barangay Dipane, Manukan, Zamboanga del Norte pinaagi sa ‘Adopt a Family Program’ sa Zamboanga del Norte 1st Provincial Mobile Force Company (1st PMFC) ubos sa pagdumala ni Force Commander Police Lieutenant Colonel Ryan Jay R. Capurcos.
Gisuportahan ang programa sa Mobile Force Company Advisory Group for Police Transformation and Development (MFCAGTPD) nga gipangulohan ni Dr. Cesar Bala. Lakip sa natabangan sila Jerry, Charito, Cristela ug Noralyn Sumiyaya nga adunay talagsaong kahimtang sa ilang pamanit, diin mitubo og buhok ang tibuok lawas sa ilang pag-edad og napulo anyos pataas. Nagpahimangno ang pamilya nga nakasinati sila og pagpang-insulto ug bullying, hinungdan sa kamandungan ni Noralyn sa iyang pag-eskuwela.
Gihatagan ang managsuong Sumiyaya og upat ka sako nga bugas humay nga tag-25 kilos, groceries sama sa gatas, delata, biscuits, noodles, bihon, vitamins ug tambal, ug usa ka aluminum manual sprayer nga adunay accessories ug binhi sa utanon aron makatabang sa ilang panginabuhian.(JENIFFER JR. DELICA)
Source: Zamboanga del Norte Provincial News Network