Aron mapalig-on ang relasyon tali sa kapulisan ug katawhan, ang mga personahe sa City Community Affairs Division (CCAD) nga gipangulohan ni PSSg Manuel Projo, ubos sa superbisyon ni PLTCOL Eva Joy E. Capurcos, Chief of Police, nagpahigayon ug sunod-sunod nga community engagement activities sa Barangay Owaon, Dapitan City, kaniadtong Oktubre 20, 2025.
Lakip sa gihimong kalihokan ang barangay ug eskwelahan nga bisitasyon, gift giving, house-to-house visitation, community dialogue, ug pagpang apod-apod sa Information, Education, and Communication (IEC) materials.
Kini nga mga kalihokan kabahin sa Strong Police Presence Program nga nagtinguha sa pagpalig-on sa kooperasyon ug pagsalig sa katawhan, ingon man sa pagpalapad sa kahibalo sa kaluwasan ug kalinaw sa komunidad.
Pinaagi niini, gipakita sa Philippine National Police (PNP) ang ilang padayon nga paningkamot sa aktibong pakig-uban sa komunidad, aron mapalig-on ang kasaligan ug tinabangay tali sa kapulisan ug mga residente sa Dapitan City.(Iken B. Gullem)
Source: Dapitan City Police Station ZNPPO