Nagpatigayon ug in-house knowledge-sharing session o pagbansay ang mga bumbero sa Dapitan City fire Station ubos sa liderato ni FSINSP Rommel M. Rojas, REE, City Fire Marshal bahin sa saktong pamaagi sa pagsulat ug pagproseso sa opisyal nga mga dokumento sa Bureau of Fire Protection (BFP), kaniadtong Oktubre 20, 2025.
Sa panguna ni FO3 Vanessa N. Quizon-Elopre, Chief, Morale and Welfare Section, ang maong kalihokan nga nagtumong sa pagpakatap sa saktong pamaagi ug epektibong pagsulat sa opisyal nga komunikasyon sulod sa Bureau of Fire Protection (BFP). Gipasabot niini ang kahinungdanon sa klaro, tukma, ug organisadong dokumentasyon, isip kabahin sa maayong serbisyo publiko.
Gipangayo usab sa mga partisipante ang ilang mga kasinatian ug suhestiyon aron mapalig-on ang koordinasyon ug episyensya sa mga administratibong proseso sa istasyon.
Pinaagi niini, gipakita sa BFP Dapitan City Fire Station ang ilang malig-on nga tinguha sa pagpalambo sa kalidad sa serbisyo, pagmintinar sa integridad, ug pagpasiugda sa kahusayan, usa ka ehemplo sa tinuoray nga Serbisyong may Integridad, Kahusayan, ug Katapatan para sa Bayan.(Iken B. Gullem)
Source: BFP R9 Dapitan City Fire Station