Mihimo og courtesy visit ang mga opisyal sa Criminal Investigation and Detection Group (CIDG) Zamboanga del Norte Provincial Field Unit ngadto kang Dipolog City Mayor Roberto Y. Uy aron mapalig-on ang panag-uban sa pagpatuman sa kalinaw, kahapsay, ug mga programa sa kaluwasan sa dakbayan.
Gipangulohan ni Provincial Chief Police Major John Paul B. Nepomuceno ang delegasyon nga giubanan ni Police Chief Master Sergeant Ernesto D. Bulagao Jr. ug uban pang mga personnel sa CIDG. Gipahigayon ang maong pagbisita sa City Mayor’s Office diin gihisgutan ang padayon nga koordinasyon tali sa lokal nga panggamhanan ug law enforcement agencies.
Gipasiugda sa duha ka panig ang kamahinungdanon sa lig-on nga panagtambayayong aron mas mapalig-on ang kampanya batok sa kriminalidad ug mapalambo ang paghatag og episyenteng serbisyo publiko.
Ang maong courtesy visit nagpakita sa padayon nga paningkamot sa City Government of Dipolog ug CIDG sa pagpalig-on sa inter-agency collaboration alang sa kaayohan ug kaluwasan sa katawhan.(JENIFFER JR. DELICA)
Source: Dipolog City Government