Nakadawat og Plaque of Recognition ang Lokal nga Panggamhanan sa Polanco gikan sa Commission on Audit (COA) human makab-ot ang 69.70 porsyentong implementation rate sa audit recommendations alang sa Calendar Year 2025, nga maoy pinakataas tali sa tanang lokal nga panggamhanan sa Zamboanga del Norte.
Sumala sa COA, ang maong pag-ila nagpakita sa epektibong pagpatuman sa mga audit recommendations ug sa paningkamot sa LGU nga mapalig-on ang maayong pagdumala, transparency, accountability, ug responsableng paggamit sa pondo sa publiko.
Ubos sa liderato ni Mayor Ying Uy, nagpadayon ang LGU Polanco sa pagpatuman sa mga lakang aron masiguro ang episyenteng pagdumala ug padayon nga pagpalambo sa mga serbisyo alang sa katawhan.
Ang maong pag-ila usa ka timaan sa lig-on nga paningkamot sa lokal nga panggamhanan sa pagsunod sa mga sumbanan sa maayong pagdumala ug pagpalig-on sa pagsalig sa publiko.(JENIFFER JR. DELICA)
Source: Municipality of Polanco