Nag-awhag ang buhatan sa panglawas ning Dakbayan sa Dapitan ngadto sa mga empleyado sa pangagamhanang lokal nga magpabakuna sa una ug ikaduha nga dose, una ug ikaduha nga booster shot nga ipahigayon sa Ground Floor, New Government Center niining dakbayan gikan gahapon Hulyo 19, 2022 taman Agosto, 2022.
Kini gipatuman tungod kay nagpadayon gihapon ang pagsaka sa kaso sa COVID-19 tibook nasud ug ang mga empleyado magpabiling luwas gikan sa mao nga sakit.
Karong umalabot Hulyo 21 ning tuig ang eskedyul sa buhatan sa City General Services (Main Office), City Planning and Development, City Assessor, Bureau of Internal Revenue, Commission on Elections ug Public Employment Services.
Sa Agosto 2 ang buhatan sa City Information Division, Management Information System, Department Interior Local Government, City Budget, Human Resource Management, Legal Office, Internal Audit Services samtang karong Agosto 4 ang buhatan sa Sangguniang Panlungsod, City Administrator ug City Mayor.
Ang buhatan sa City Engineering, City Social Welfare and Development  ug Senior Citizens Association karong umalabot Agosto 9 ug ang City General Services (City Plaza) ug City Tourism karong Agosto 11.
Mamahimo sa pagdala sa bisan unsang ID cards ug kon sa booster shot palihog sa pagdala sa unang vaccination card.
(Source: Dapitan City Information Division Facebook page)