Mapasalamaton ang mga personahe sa LGU-Malaybalay City sa mainiton nga pagdawat sa lokal nga kagamhanan sa Cagayan de Oro City atol sa ilang gipahigayon nga benchmarking activity.
Tumong sa kalihukan nga masayran ang mga sistema nga gipatuman sa City Treasurer’s Office sa Cagayan de Oro hilabi na nga usa ang dakbayan sa pinakaunang mipatuman sa Online/Digital transactions ug payment system sa nasud.
Gilangkuban sa mga kadagkuan sa City Treasurer’s Office, City Assessor’s Office ug Licensing Office ang mga mibisita gikan sa Malaybalay City.
Gipangulohan ni City Treasurer Jasmin T. Maagad ug Asst. City Treasurer Leonil Mistula ang benchmarking kinsa maoy mihatag sa mga detalye sa mga pamaagi sa pagdumala sa ilang opisina.
Kahinumduman nga gipasidunggan ang dakbayan niadtong tuig 2017 tungod sa malampuson niining pagpatuman sa Online Payment System ug Digital Transactions diha sa City Treasurer’s Office. (SPPalen, photo courtesy by April Lorenzana)
(Source: Rolando A. UY Facebook page)
