Abli na ang aplikasyon sa Allied Health Experiential Assistance for Deserving Students o AHEAD program sa Commission on Higher Education (CHED) alang sa mga estudyante sa nursing ug uban pang allied health science courses.
Pinaagi sa maong programa, makadawat og one-time subsidy nga ₱25,000 ang kwalipikadong mga estudyante aron makatabang sa ilang Related Learning Experience (RLE) ug uban pang gastusin sa clinical ug practical training.
Sumala sa CHED, ang mga aplikante kinahanglan gikan sa pamilya nga adunay kinatibuk-ang annual gross income nga dili molapas sa ₱1.2 milyon. Gilimitahan usab sa ahensya sa 19,000 slots ang mahimong benepisyaryo sa tibuok nasud.
Giawhag ang mga estudyante sa Zamboanga del Norte nga nagkuha og nursing ug allied health science programs nga mag-aplay sa AHEAD program aron makabenepisyo sa educational assistance nga makatabang sa ilang pag-eskwela ug pagpraktis sa healthcare field.(IKEN B. GULLEM)
Source: Zamboanga del Norte Provincial News Network