Sa unang adlaw sa Gun Ban Walay gikataho nga nakalapas sa eleksyon period dinhi sa Zamboanga del Norte sa gihipahigayon nga checkpoint tali sa kapulisan ug sa Comelec.
Kahibaloan nga sa adlaw nga sabado nagpahigayon ug send off ceremony ang ZNPPO pinangunahan ni Provincial Director PCOL. Rainer Diaz inubanan sa mga personahe sa Comelec pinangulohan ni Atty. Jossil Macute alang na sa pagahimoon nga checkpoint diha sa kadalanan sakop ning probinsya.
Gisugdan kini sa adlawng Domingo Enero 12 ning tuiga, ug walay gikatahong nagmalapason sa maong balaod dinhi sa probinsya sa Zamboanga del Norte.
Kahibaloan nga atol sa eleksyon period ang gun ban ang unang lakang sa Comelec nga gipatuman nga walay pagtugot ang matag usa nga maghupot o magdaladala ug armas, kung sikinsa man ang adunay mga lisensyadong tawo kung walay clearance nga gagumikan pa sa Comelec,apil na usab ang walay mga saktong papeles sa ilang mga armas.
Panawagan sa mga kapolisan nga unta ang mga katawhan mutuman sa mando aron dili kini mahiagom sa kadaut.
Dugang panawagan usab kanila sa katawhan nga magmatngon ug kung ugaling adunay mabantayan nga kadudahang lihok sa palibot dili magmakuli sa pagtaho sa buhatan sa kapolisan aron marespondihan dayun kini ug walay mahimong kadaut sa panahon sa eleksyon.(ANGELICA T. OBINA)
Source: ZNPPO