Arestado sa gipahigayon nga intelligence-driven operation sa mga personahe sa kapulisan ang usa ka 41 anyos nga babaye, sa may alas 9:00 ang takna sa buntag ,Enero 13,2025,didto sa Brgy. Birayan, Rizal, Zamboanga del Norte.
Nailhan ang dinakpan nga si Marilou B Bago, 41-anyos ,ug residente sa Brgy. Birayan, Rizal, Zamboanga del Norte kinsa gidakop sa mga personahe sa Rizal Municipal Police Station (MPS), 1st PMFC ug 901st MC RMFB9 pinasikad sa Warrant of Arrest ubos sa Violation of RA 8048 nga giamendar sa RA 10593 ubos sa Criminal Case No. 3067-R, nga giisyu sa Presiding Judge sa RTC, 9th Judicial Region, Sibutad, Zamboanga del Norte nga adunay piyansa nga girekomendar nga mobalor Php36,000.00 alang sa temporarrong kagawasan.
Ang akusado gipahibalo sa mga katungod sa konstitusyon ug anaa na karon sa kustodiya sa Rizal MPS alang sa tukmang disposisyon sa dili pa ibalik ang warrant of arrest ngadto sa nag-isyu nga korte.(MEDALYN U. BORJA)
Source : ZNPPO