Gipakita pag-usab sa Public Services Division sa CENRO ang ilang dedikasyon sa pagmintinar sa kalimpyo ug kahapsay sa dakbayan pinaagi sa padayong pagpatuman sa mga clearing ug maintenance activities sa nagkalain-laing komunidad.
Ubos sa pagpangulo ni Engr. Jeffrey Lasola, ang Public Services Striker Team nag-atubang sa kainit sa adlaw samtang nagpatuman og pruning ug clearing operations sa Teacher’s Village, Barangay Banonong, isip pagpangandam sa umaabot nga fiesta.
Dili sayon ang ilang buluhaton, apan bisan pa sa pisikal nga kakapoy, padayon silang nagserbisyo aron masiguro nga limpyo, luwas, ug hapsay ang mga pampublikong lugar nga gigamit sa mga residente ug bisita.
Ang dakbayan nagpahayag sa pagpasalamat sa Public Services Striker Team alang sa ilang walay puas nga serbisyo ug kontribusyon sa pagmintinar sa usa ka Clean and Green Dapitan.(IKEN B. GULLEM)
Source: Dapitan City Government