Taliwala sa ilang pagkabilanggo, gipahimuslan sa mga Persons Deprived of Liberty (PDLs) sa Liloy District Jail ang kahigayunan sa pagpalawom sa ilang pagtuo atol sa pag-obserbar sa Good Friday, kaniadtong Marso 3, 2026.
Gipangunahan ni JCINSP Joseph Rey M. Lendio ang maong kalihokan diin gipatan-aw ang “Seven Last Words of Jesus” alang sa mga PDL, ilabina sa mga senior citizens ug persons with disabilities nga anaa sa pasilidad.
Gilaraw ang programa aron hatagan ang mga partisipante og higayon sa pagpamalandong sa sakripisyo ni Hesukristo, samtang ginadasig sila sa pag-angkon og paglaum, pagpaubos, ug kausaban bisan pa sa ilang kahimtang.
Matud pa, kabahin kini sa padayon nga paningkamot sa pag-atiman sa espiritwal nga aspeto sa mga PDL, isip suporta sa ilang rehabilitasyon ug personal nga kausaban.
Bisan pa sa limitasyon sulod sa prisohan, nakita ang aktibong partisipasyon sa mga PDL nga nagpakita sa ilang pangandoy nga magpadayon sa maayong direksyon ug mas lig-on nga pagtuo.(IKEN B. GULLEM)
Source: Liloy District Jail-BJMP R9