Naghatag og tabang ang probinsyal nga gobyerno sa Zamboanga del Norte ubos sa liderato ni Darel Dexter T. Uy ngadto sa mga pamilyang naapektuhan sa sunog sa Liloy, Zamboanga del Norte.
Ang tabang nga naglakip og cash ug bugas gipanghatag aron makatabang sa mga biktima sa pagbangon human sa insidente.
Sumala sa report, lima ka pamilya ang naapektuhan sa sunog ug usa ka kinabuhi ang nawala sa maong trahedya.
Nagpasalamat usab si Roberto Lim Uy Jr., mayor sa Liloy, sa probinsyal nga gobyerno alang sa dali nga paghatag og ayuda sa mga apektadong pamilya.(JENIFFER JR. DELICA)
Source: Municipality of Liloy