Mitubag dayon ang Emergency Medical Service personnel sa Bureau of Fire Protection pinaagi sa Labason Municipal Fire Station sa usa ka emerhensya niadtong Marso 10, 2026 sa Barangay Malintuboan, Labason, Zamboanga del Norte aron matabangan ang usa ka pasyente nga nanginahanglan og dali nga medikal nga pag-atiman.
Ang team nga ubos sa pagdumala ni Acting Municipal Fire Marshal Joel S. Sabijon dali nga mi-evaluate sa kahimtang sa pasyente pag-abot sa lugar ug naghatag og unang tabang samtang gi-monitor ang pagginhawa ug sirkulasyon sa dugo.
Human sa initial nga pag-atiman, dayon nga gidala sa team ang pasyente ngadto sa Labason District Hospital alang sa dugang nga medical evaluation ug pagtambal.
Sumala sa BFP, ang maong pagresponde kabahin sa ilang padayon nga misyon sa paghatag og dali ug epektibong serbisyo sa emerhensiya alang sa kaluwasan sa komunidad.(JENIFFER JR. DELICA)
Source: BFP R9 Labason Fire Station