Kaluwasan sa kadalanan ug limpyo nga palibot maoy tumong sa gihimong cable clearing operation sa Task Force Alambre niadtong Mayo 8, 2026 sa Barangay Sta. Isabel.
Gipahigayon ang operasyon gikan sa Father Patangan Road corner hangtod sa Bypass Road ubos sa pagpanguna sa Office of the Building Official aron tangtangon ang mga nagbitay ug wala na gamita nga mga kable sa maong lugar.
Sumala sa City Government of Dipolog, ang maong lakang makatabang sa paglikay sa peligro ug posibleng disgrasya alang sa mga motorista ug pedestrian nga nagaagi sa lugar.
Kabahin usab kini sa paningkamot sa dakbayan nga mapabiling hapsay, organisado ug limpyo ang palibot pinaagi sa pagwagtang sa sagbot nga mga wire ug linya.(IKEN B. GULLEM)
Source: Dipolog City Government