Daling girespondehan sa mga personahe sa Dapitan City Fire Station ang usa ka panimalay nga nasunog didto sa Brgy. Maria Cristina, Dapitan niadtong Mayo 7,2026.
Ang maong pag responde sa mga personahe gihimo pinaagi sa dinamikong pagpangulo ni FSINSP ROMMEL M ROJAS ,REE Acting City Fire Marshal, diin ang nasangpit nga panimalay usa ka residential occupancy nga girespondehan sa Dapitan City Fire Station Shift “A” ubos sa kamandoan ni SFO1 Brix Abria.
Nasayran nga sa pag-abot sa maong dapit, ang responding team mipahigayon gilayon ug assessment ug firefighting operations aron masiguro ang kaluwasan sa mga sikbit nga residente ug malikayan ang pagkuyanap sa kalayo.
Sumala pa,una nang na kontrolqr ang sunog sa wala pa ang pag-abot sa mga fire responders, pinaagi sa hinanaling pagresponde ug kooperasyon sa mga nagpakabana nga concerned citizen.
Tungod niini usa ka overhauling operations ang daling gihimo sa mirespondeng mga personahe gamit ang usa ka pulgada nga residential hose nga linya sa tubig gikan sa silingang balay aron sa pagpapas sa nahabiling mga hot spot ug malikayan ang posibleng pagkuyanap pag usab sa sunog.
Ang maong insidente nagpakita sa usa ka mahinungdanong pagka alerto nga gipasiugda alang sa dali nga aksyon panahon sa pagpukan sa matang sa emerhensya pinaagi sa hiniusang kooperasyon sa mga personahe ug sa komunidad.(MEDALYN U. BORJA)
Source: BFP R9 Dapitan City Fire Station