Ang buhatan sa Department of Social Welfare and Development (DSWD)Region 9 nitanyag ug pundo alang sa mga miyembro sa Sustainable Livelihood Program Association (SLPA) didto sa Barangay Polo, dakbayan sa Dapitan,niadtong Marso 4, 2025.
Ang maong kalihukan gipasiugdahan sa Punong Barangay sa Polo nga si Oscar S. Balladares, uban sa hugot nga suporta gikan sa Mayor sa Dapitan nga Seth Frederick “Bullet” P. Jalosjos, DSWD SLP-Provincial Coordinator Therese Maravel B. Arcenal, City Councilor Divine G. Patilano ug mga personahe sa CSWD.
Nasayran nga nag kantidad sa ₱ 600,000.00 ang gigahin alang sa “Seed Capital Fund for the Bangus Production Livelihood Project”,diin 24 ka mga miyembro sa SLPA ang makabenepisyo nga magamit aron mapauswag ang proyekto sa panginabuhian ug mapausbaw ang malungtarong pamaagi sa pagpangisda ngadto sa mga Dapitanon.
Alayon niini nga inisyatiba mao ang muluntad ang pasalig sa City Government sa Dapitan,sa natad sa kaayohan sa lokal nga komunidad,suporta alang sa grassroots economic development ug alang sa lokal nga mga mangingisda.(Medalyn U. Borja)
Source: CITY GOVERNMENT OF DAPITAN