Gipasiugda sa Barangay Cogon, Dipolog City ang kahinungdanon sa husto nga nutrisyon ug himsog nga pagkinabuhi pinaagi sa pagpahigayon sa ika-52 nga Nutrition Month Celebration niadtong Hulyo 21, 2026.
Gipangulohan sa Barangay Council of Cogon ubos sa pagpangulo ni Punong Barangay Paquito L. Paño ang kalihokan, uban sa City Government of Dipolog pinaagi sa City Nutrition Division nga gipangulohan ni City Nutrition Action Officer Riza Jane B. Zamoras.
Mitambong usab sa kalihokan si City Social Welfare and Development Officer Jovencia D. Gregory ug mga miyembro sa Dipolog City Nutrition Council.
Pinaagi sa maong kalihokan, gihatagan og gibug-aton ang importansya sa husto nga nutrisyon ug himsog nga estilo sa kinabuhi, samtang gipalig-on ang partisipasyon sa komunidad sa mga programa sa siyudad alang sa panglawas ug nutrisyon.
Gipakita usab sa selebrasyon ang hiniusang paningkamot sa barangay ug lokal nga panggamhanan sa pagpalambo sa kahimsog ug kaayohan sa mga residente sa komunidad.(IKEN B. GULLEM)
Source: Dipolog City Government