Nagpahigayon ang Katipunan Municipal Fire Station og fire drill ug lecture sa fire safety alang sa mga empleyado sa Katipunan Bank sa Barangay Uno, Katipunan, Zamboanga del Norte niadtong Abril 25, 2026.
Gipangulohan kini ni Acting Municipal Fire Marshal FINSP Richard A. Parame uban sa mga personnel sa Shift A aron mapalig-on ang kahibalo ug kaandam sa mga partisipante batok sa insidente sa sunog.
Gihatagan ang mga empleyado og praktikal nga demonstrasyon sa hustong paggamit sa mga gamit sa pagpalong sa sunog ug batakang pamaagi sa kaluwasan aron andam sila sa emerhensya.
Gilauman nga pinaagi sa maong kalihokan, mas mapataas ang disiplina ug kahibalo sa mga empleyado sa paglikay ug husto nga pagtubag sa sunog.(JENIFFER JR. DELICA)
Source: BFP R9 Katipunan Fire Station