Gipahigayon sa Siocon District Jail ang third quarter drug test alang sa mga personnel sa Bureau of Jail Management and Penology ug Persons Deprived of Liberty o PDL isip kabahin sa paningkamot sa pagmintinar sa drug-free nga palibot sulod sa pasilidad.
Gipahigayon ang kalihokan sa pakigtambayayong sa Philippine Drug Enforcement Agency–Zamboanga del Norte Provincial Office aron masiguro ang pagsunod sa mga polisiya batok sa ilegal nga droga ug pagpalig-on sa disiplina ug accountability sa mga personnel ug PDL.
Kabahin ang maong drug testing sa padayon nga kampanya sa Bureau of Jail Management and Penology sa pagpanalipod sa integridad sa custodial facility ug pagsuporta sa programa sa gobyerno batok sa ilegal nga droga.
Padayon nga gipalig-on sa Siocon District Jail ang mga inisyatiba nga nagtumong sa luwas, disiplinado, ug drug-free nga palibot alang sa mga personnel ug mga PDL.(JENIFFER JR. DELICA)
Source: Siocon District Jail-BJMPR9