Nagpahigayon ang Emergency Medical Services sa Dapitan City Fire Station og Basic First Aid Lecture alang sa mga miyembro sa Pulauan Alliance Labor Union atol sa turnover ceremony sa livelihood assistance ubos sa Project PALU-SUG nga gipasiugdahan sa Department of Labor and Employment–Zamboanga del Norte Field Office.
Gihatagan ang mga partisipante og kahibalo ug praktikal nga pamaagi sa paghatag og unang tabang aron maandam sila sa hustong pagtubag sa mga emerhensiya ug malikayan ang dugang kadaot sa wala pa maabot ang mga responder.
Kabahin ang maong kalihokan sa paningkamot sa Bureau of Fire Protection sa pagpalig-on sa kahandam sa komunidad pinaagi sa pagpalapad sa kahibalo sa first aid ug uban pang life-saving skills.
Padayon nga gipalig-on sa Dapitan City Fire Station ang mga programa sa edukasyon ug disaster preparedness aron mas daghang Dapitanon ang mahimong andam ug makahimo sa husto nga aksyon panahon sa emerhensiya.(JENIFFER JR. DELICA)
Source: BFP R9 Dapitan City Fire Station