Aktibong mipartisipar ang Salug District Jail sa Barangay Assembly Day sa Barangay Poblacion East isip kabahin sa pagpalig-on sa panaghiusa tali sa komunidad ug sa mga ahensya sa gobyerno.
Ubos sa pagpangulo ni Acting Jail Warden JSINSP Rolly L. Paner, gipakita sa Bureau of Jail Management and Penology (BJMP) ang ilang komitment sa community engagement ug public safety pinaagi sa diretsong pakig-uban sa katawhan.
Sa mensahe JSINSP Paner, gipasiugda niini nga ang BJMP dili lamang tigpatuman sa balaod kondili usa ka kauban sa komunidad sa pagpalambo sa disiplina, kaluwasan, ug kalamboan.
“Dili lang ko ania isip warden, kundili partner ninyo sa pagpadayon sa safety, disiplina ug panaghiusa sa atong komunidad,” matod niya.
Gipunting usab sa ahensya nga ang maong partisipasyon usa ka paagi aron mapalig-on ang pagsinabtanay ug kooperasyon tali sa BJMP ug sa barangay, ilabina sa pagmintinar sa malinawon ug hapsay nga palibot.
Gilauman nga pinaagi sa padayon nga kolaborasyon, mas mapauswag ang seguridad ug mas mapalig-on ang pagsalig sa publiko ngadto sa mga programa sa gobyerno.(IKEN B. GULLEM)
Source: Salug District Jail-BJMP R9