Gipahigayon sa mga personahe sa Dapitan City Police Station, ang Programang Bisita Eskwela ug Community Outreach, didto sa Barangay Antipolo sa dakbayan sa Dapitan, ning Probinsiya sa Zamboanga Del Norte, naidtong Setyembre 26, 2025.
Nasayran nga ang nasangpit nga Programa ubos sa superbisyon ni Pltcol Eve Joy E Capurcos ang Acting Chief of Police sa Dapitan Pnp, diin gipahigayon ngadto sa mga Day Care Pupils ang pagpanghatag og mga Snacks maingon man sa mga Hygiene Kits, aron sa pag-promote sa kahimsog sa panglawas sa maong mga Bata, pinaagi sa paghinglo sa ilang kaugalingon, ug gitudlo usab kanila ang insakto nga mga pamatasan ug gawi, samtang anaa pa sila sa linghod nga pangidaron.
Gipahigayon usab sa laing grupo sa naasoy nga mga Pnp Personel’s ang Community Outreach, diin nahimo nilang katimbang niini ang representante gikan sa Religious Sector, nga mipahigayon kini og hamobo nga Lektura, pagkqhuman sa maong Lektura, nang-apod-apod dayon kini og mga Information Education and Communication (IEC) Material’s, nga ang mga unod niini, kabahin sa Republic Act 9262 (Anti-VAWC) ug ang kabahin usab sa Republic Act 8353 (Anti-Rape Law), maingon man ang kabahin sa Republic Act 9165 (Comprehensive Dangerous Drug Act of 2002).
Kabahin usab sa nahisgutang aktibidad ang pagtudlo sa tulobagon sa mga Barangay Tanod ngadto sa Publiko, diin gipang-apod-apod usab ngadto kanila ang 10 ka mga Arnis Stick’s, aron ilang magamit sa pagsanong sa ilang mga tulobagon, alang sa pagmintinar sa Kahapsay ug Kalinaw sa ilang Barangay.
Tumong sa mga programa sa Pnp Dapitan ngadto sa mga kabarangayan nga sakop sa nasangpit nga Syudad, aron nga makita sa mga matawhan ang presensiya sa mga kapulisan nga bisan ngadto sa mga kabataan, aron maitugyan ngadto kanila ang pagsalig sa ilang seguridad aron usab matang-tang ang Negatibo nilang pag-ila sa mga Kapulisan ning atong Nasud nga Pilipinas.(Julius Esmade)