Mi-arangkada sa dakbayan sa Dapitan ang usa ka Babaye nga Good Samaritan nga nakapudyot og usa ka Leather nga kolor Maroon nga Wallet, nga adunay Sulod nga Salapi ug mga ID, diin kini didto niya nakita sa Dr. Jose Rizal Memorial Hospital, niadtong nakalabay’ng adlaw, Setyembre 27, ning Tuig 2025.
Giila sa Dapitan Pnp ang nasangpit nga Babayeng Good Samaritan sa pangalan nga Yolinche Hampac, ana na sa hingkod ang pangidaron ug Lumolupyo sa Barangay Owaon, dakbayan sa Dapitan, ning maong Probinsiya, diin matud pa nga wala kini’y magduha-duha nga mihatod sa Wallet nga iyang napalgan ngadto sa buhatan sa kapulisan sa Dapitan, diin ang nasangpit nga Wallet, adunay sulod nga kantidad, nga mokabat og Php3,300.00.
Matud pa, nga sa mao ra usab nga adlaw, nakuha dayon sa tag-iya sa nahisgutang Wallet ang mao niyang butang, diin ang naasoy nga nanag-iya niini, giila sa pangalan nga Angelina S. Baluntong, usa ka babaye nga Lumolupyo sa Sitio Belwak Barangay Silawe, Lungsod sa Polanco, ning Ptobinsiya sa Zamboanga Del Norte.
Tungod sa pagbalik sa iyang Wallet, nagpasalamat kini og dako ngadto nakapudyot niini, tungod kay matud pa ang sulod nga kantidad sa mao niyang Wallet, nakatagana ng gamiton sulod sa nasangpit nga hospital.
Gidayig sa Dapitan Pnp ang pagkamatinud-anon ni Yolinche Hampac, diin gipili niini ang paghatod sa ilang buhatan sa maong pitaka, aron kini maitunol ngadto sa tag-iya niini, nga matud pa, bisan sa kapit-os sa panahon, mas gipatigbabaw niini ang iyang pagkamatinud-anon, diin usa ka dalaygon nga binuhatan, nga angay suhiron ug sombanan sa mga katawhan.(Julius Esmade)