Nagpasalamat ug nanamilit sa niaging adlaw, atol sa katapusang regular sessionsa Sangguniang Panlungsod (SP) sila si Bise-Mayor Horacio B. Velasco ug tulo ka mga konsehal nga sila si Atty. Peter Y. Co, Atty. Jasmin Pinsoy-Lagutin ug Atty. Raul C. Barbaso sanglit sila mokanaog na sa ilang kasamtangan nga posisyon karong Hunyo 30 ning tuiga, sa alas 12:00 ang takna sa kaudtuhon.
Mapasalamaton ang nahisgutan nga mga opisyales sa dakbayan sa Dipolog ngadto sa mga regular employees lakip na ngadto sa mga job order workers sa Sangguniang Panlungsod tungod sa suporta niini ngadto kanila.
Nasayran nga si Bise-Mayor Velasco nakaserbisyo na dinhi sa dakbayan sulod sa 28 ka tuig, 18 ka tuig usab ang pagserbisyo nila ni Atty. Co ug Atty. Barbaso samtang siyam ka tuig si Atty. Jasmin Pinsoy-Lagutin.
“We may not be the perfect Sanggunian but we did our best”, kini ang tipik sa katapusang pamahayag ni Atty. Barbaso ug gi-congratulate niya ang mga re-elected ug mga bag-ong napiling opisyales nga molingkod sa konseho sa mosunod nga tulo (3) ka tuig.
Sa katapusang pagpahigayon sa regular session sa SP, napasar ug na-aprobahan sa third ug final reading ang duha ka ordinansa nga mao ang “An Ordinance Declaring The Don Reef In The Municipal Water of Dipolog City As Fish Sanctuary, Prohibiting All Forms Of Fishing Activities Therein, Providing Penalties For Violations Thereof And For Other Purposes”, nga gipangamahanan ni konsehal Praxides P. Rubia samtang si Atty. Jasmin Pinsoy-Lagutin usab ang mipasar sa ordinansa nag-enact sa Child and Youth Welfare Code sa siyudad sa Dipolog.
(Source: Dipolog City Government Facebook page)