General Santos: Mga vendor sa Oval night market magpabilin hangtud dili gamiton ang area

0
118

Magpabilin ang mga vendor sa Oval night market hangtud nga wala sila makasagabal sa proyekto nga ipatigayon.

Visit RPN DXDX General Santos

Kini ang gibutyag ni Roland Pragados, Interim President sa Oval Plaza Night Market Association nga may nadawat sila nga memorandum gikan sa opisina ni Mayor Ronnel Rivera nga nagatugot sa ilang pagpabilin sa Oval basta dili gamiton nga makasagbal ang mga pwesto.

Matud ni Pragados nga anaa sila sa 90 plus nga mga vendors tungod ang uban wala maka-sustain ug miundang.

Giklaro usab niini nga wala silay gibayran sa pagpwesto sa Oval aron makabaligya og mga nagkadaiyang matang sa pagkaon, dry goods ug uban pa, gawas sa special permit, compliance barangay ug health safety ug regulatory fee.

Sa ilang matag miyembro adunay ginakolekta nga daily dues apan ilaha matud pa kining nakasabutan isip ilang bayad sa ilang peacekeepers ug sa bayrunon sa kuryente.

Sukad matud pa sa ilang pagsugod niadtong ulahing semana sa Pebrero sa Kalilangan festival, nagapasalamat sila tungod ma-sustinir sa mga vendor ang ilang pagpaninda.

Samtang gipanghimakak ni Pragados nga adunay barangay nga gapangolekta sa mga vendor sa Oval night market. (John Rey Somido)

LEAVE A REPLY

Please enter your comment!
Please enter your name here