Malampusong gisaulog sa lungsod ang engrandeng Binibining Sindangan 2025 ubos sa kalihokan sa 89th Linggo ng Sindangan kung asa nakoronahan ang mga nisalmot nga mga kandidata nga nagpakita sa ilahang talento, itsura, og pagkamatinud-anon sa entablado.
Ang titulo sa Binibining Sindangan 2025 tam-is nga nakuha ni Abigail Dela Cerna Balili, samtang si Kasley Malaika Libres ug Maria Angelica Pantaliano, nakab-ot ang 1st og 2nd Runner Up. Ang 3rd ug 4th Runner Up usab gilangkuban nila Laila Prathumma ug Mary Love Lopez.
Ang nahisgutang pageant nagpakita sa talento, kaisog, ug pagkahiusa sa kababayen-an sa lungsod. Gilauman usab sa lokal nga kagamhanan sa Sindangan nga pinaagi sa pagmugna og mga kalihukan sama niini, makahatag kini og dungog sa kultura ug progresibong espiritu sa lungsod.(JENIFFER JR. DELICA)
Photo Courtesy: Local Government Unit of Sindangan