Gimarkahan sa Bureau of Fire Protection Region IX ang 52 ka tuig sa pag-alagad pinaagi sa Fire Service Recognition Day nga gipahigayon niadtong nilabay nga adlaw, sa Glass Gym, Rotonda Hills, Pagadian City, ubos sa pagpangulo ni Regional Director Fire Chief Superintendent Jerry D. Candido.
Gipasidunggan sa maong kalihokan ang mga opisyal ug non-officer personnel sa BFP Region IX nga nakahatag og dakong kontribusyon sa kaluwasan sa katawhan. Gihatagan sila og medalya ug cash incentives isip pag-ila sa ilang sakripisyo, kahusayan, ug dedikasyon sa serbisyo publiko.
Mihatag usab og mensahe si Office of the Civil Defense Region IX Director Atty. Ruel S. Halanes, nga mipasiugda sa kaisog ug halangdong papel sa mga bombero sa modernong panahon. Ang kalihokan nagpamatuod sa padayon nga panaw sa BFP Region IX sa matinud-anong serbisyo ug pagpanalipod sa kinabuhi ug kabtangan sa katawhan.(JENIFFER JR. DELICA)
Photo Courtesy: Bureau of Fire Protection Region IX