Gidala sa ospital ang usa ka biktima sa aksidente sa sakyanan nga nahitabo sa Barangay Ramon Magsaysay, Salug, Zamboanga del Norte niadtong Mayo 30.
Mitubag dayon ang mga personnel sa Salug Municipal Fire Station ubos sa pagpangulo ni SFO4 Roseller P. Taleon, Acting Municipal Fire Marshal, aron paghatag og emerhensiyang medikal nga tabang sa biktima.
Pag-abot sa lugar, gisiguro sa mga responder ang kaluwasan sa palibot ug gisusi ang biktima nga nakit-an nga naglingkod sa daplin sa dalan samtang gitabangan sa mga residente. Nasuta nga adunay mga garas sa duha ka tuhod ug posibleng bali sa tuo nga bitiis.
Gitambalan dayon ang mga samad pinaagi sa paglimpyo ug pagdisinfect niini, samtang gisplintan ang gituohang nabaling bitiis aron malikayan ang dugang kadaot. Human niini, gidala ang biktima sa Liloy Integrated Health District Hospital alang sa dugang eksaminasyon ug pagtambal.(JENIFFER JR. DELICA)
Source: Salug Bfp