Nagpadayon sa pag-andam ang Local Government Unit sa Sibutad alang sa SAULOG SA BAG-ONG ZANORTE 2026 pinaagi sa pagtukod sa ilang festival booth nga nagpasundayag sa pagkaila sa lungsod isip “Kinhason Capital of Zamboanga del Norte.”
Gidayandayanan ang booth sa nagkalain-laing kabhang ug materyales gikan sa baybayon nga nagpakita sa kadagaya sa marine resources ug kusog nga industriya sa seafood sa Sibutad, nga maoy usa sa mga nag-unang panginabuhian sa mga residente.
Gipakita usab sa sulod sa booth ang mga nag-unang tourist destinations sa lungsod aron mas mailhan sa mga bisita ang natural nga katahum ug mga atraksyon sa Sibutad.
Gilauman nga makadani og daghang bisita ang maong exhibit atol sa selebrasyon sa SAULOG 2026 gikan Hunyo 1 hangtod 6, diin ipasundayag sa Sibutad ang iyang bahandi sa dagat, kultura, ug nagtubo nga potensyal sa turismo.(JENIFFER JR. DELICA)
Source: Zamboanga del Norte Provincial News Network