Mipadayag og Pamaskong Handog ang Bureau of Fire Protection Zamboanga del Norte sa ikaduhang semana sa Disyembre, diin mipadayon sa pagbisita sa mga panimalay ug komunidad ang personnel sa Office of the Provincial Fire Marshal ubos sa pagpanguna ni Fire Superintendent Richard C. Timosa, kauban ang personnel sa Dipolog City Fire Station nga gipangulohan ni Fire Senior Inspector Aprilyn B. Barboso.
Nagsul-ob og Santa hats ug puno sa pahiyom, nag-awit og mga pamaskong kanta ang mga bombero samtang nagpanghatag og fire safety leaflets ug nagpahigayon og Ugnayan sa Barangay aron maghatag og pahinumdom ug praktikal nga tambag sa kaluwasan sa mga panimalay ilabi na ning panahona sa Kapaskuhan.
Nagpasalamat ang BFP sa mainiton nga pagdawat sa mga komunidad ug nag-awhag sa katawhan nga magpadayon sa pag-amping ug kahandam aron malikayan ang sunog ug uban pang katalagman ning holiday season.(JENIFFER JR. DELICA)
Source: BFP R9 Zamboanga del Norte Provincial Office