Mipahigayon og culmination program ang Bureau of Fire Protection Region 9 niadtong nilabayng adlaw, isip opisyal nga pagtapos sa nationwide nga 18-Day Campaign to End Violence Against Women, ubos sa pagpanguna ni Regional Director Fire Chief Superintendent Jerry D. Candido.
Bahin sa kalihokan ang pagpanghatag og orange roses sa mga babayeng personnel ug simbolikong hand gesture nga adunay orange ribbon isip pagpakita sa panaghiusa ug panawagan batok sa gender-based violence.
Atol sa programa, mihatag og mensahe si Fire Senior Inspector Randall S. Carpio, Chief sa Human Resource Management Section, nga mipasiugda sa kahinungdanon sa panag-partner ug pinagsamang responsibilidad sa magtiayon sa pagtukod og matinahuron ug malinawon nga relasyon.
Matod sa BFP Region 9, magpadayon ang ilang panindugan batok sa kapintasan sa kababayen-an, lakip ang pagpanalipod sa mga biktima, pagpalig-on sa hustisya, ug pagdasig sa usa ka Pilipinas nga walay Violence Against Women.(JENIFFER JR. DELICA)
Source: Bureau of Fire Protection Region IX