Usa ka coordination meeting uban sa adminisyrasyon sa Piacan Central School ang gipahigayon sa mga personahe sa 905th Maneuver Company, RMFB 9, ubos sa pagpanguna ni PCPT ALNASHRIP A. AROLA (Officer-in-Charge), niadtong Hulyo 1,2026 didto sa Piacan Central School.
Ang maong koordinadong tigom gihimo alang pagpadayon sa Criminality Awareness Campaign isip suporta sa padayon nga mga inisyatibo sa PNP kalabot sa pakiglambigit sa komunidad ug pagpugong sa krimen.
Ang Principal sa nasangpit nga tunghaan,malipayong gitugotan ang mga personahe sa PNP nga makig-istorya sa mga estudyante.
Nagpasiugda sa pagdasig sa mga bata nga mahimong disiplinado, matinahuron, ug responsableng mga lungsoranon pinaagi sa pagsunod sa balaod, pagtahod sa ilang mga ginikanan ug magtutudlo, ug paghimo og maayong mga desisyon samtang sila nagdako.
Ang kalihokan naghatag ug usa ka mahinungdanon papel alang sa maayong mga mithi, edukasyon, ug kooperasyon sa komunidad sa pagtukod og malinawon ug progresibong katilingban.
Sa katapusan, mipadayag ang mga personahe sa 905th Maneuver Company, RMFB 9 sa ilang kinasingkasing nga pasalamat ug suporta sa panag-uban sa paghulma sa mga kabatan-onan aron mahimong responsable ug matinahuron sa balaod nga mga lungsoranon sa umaabot ngadto sa administrasyon ug mga magtutudlo sa Piacan Central School tungod sa ilang mainitong pag-abiabi atol sa kalihokan (MEDALYN U. BORJA)
Source: 905th Manuever Company, RMFB9