Nagpahigayon og coordination meeting ang Bureau of Fire Protection ug Land Transportation Office aron hisgutan ang gisugyot nga Memorandum of Understanding o MOU sa LTO Office sa Turno, Dipolog City niadtong Hulyo 3.
Mitambong sa maong tigom ang mga personnel sa Dipolog City Fire Station ubos sa pagpanguna ni FSINSP Aprilyn B. Barbaso, Acting City Fire Marshal, isip kabahin sa paningkamot sa pagpalig-on sa panagtambayayong tali sa duha ka ahensya.
Gihisgutan sa miting ang mga probisyon sa kasabutan ug ang mga larangan diin mahimong magtinabangay ang BFP ug LTO aron mas mapalambo ang paghatag og serbisyo publiko, kaluwasan ug pagsunod sa mga balaod.
Sumala sa Dipolog City Fire Station, padayon silang makigtambayayong sa ubang ahensya sa gobyerno aron mapalig-on ang mga programa nga nagpalambo sa kaluwasan ug kaandam sa komunidad.(JENIFFER JR. DELICA)
Source: BFP R9 Dipolog City Fire Station