DAPITAN CITY – Nagkahiusa ang Dapitan City Fire Station ug ang Lokal nga Pangagamhanan sa Dapitan sa pagpahigayon og tree planting activity sa Barangay Sulangon niadtong Hunyo 18, 2026 isip kabahin sa mga paningkamot sa pagpanalipod sa kinaiyahan.
Gipangunahan sa Dapitan City Fire Station ubos ni Acting City Fire Marshal FSINSP Rommel M. Rojas ang kalihokan uban sa suporta sa LGU Dapitan nga gipangulohan ni Mayor Evelyn T. Uy. Nagtinabangay ang mga partisipante sa pagtanom og mga kahoy aron makatampo sa pagpreserbar sa kalikupan.
Sumala sa mga organisador, ang maong inisyatiba nagpakita sa hiniusang pasalig sa mga ahensya sa gobyerno ug mga stakeholder sa komunidad alang sa environmental protection, climate change mitigation, ug pag-amuma sa natural nga kahinguhaan.
Gilauman nga ang mga kahoy nga gitanom makatabang sa paghimo og mas lunhaw, mas himsog, ug mas malungtarong palibot alang sa umaabot nga mga henerasyon, samtang nagpalig-on usab sa kahibalo sa publiko nga ang pag-atiman sa kinaiyahan responsibilidad sa tanan.(JENIFFER JR. DELICA)
Source: BFP R9 Dapitan City Fire Station