Daling mitubag ang personnel sa Dapitan City Fire Station (Shift A) sa usa ka emergency medical response sa Road 31, Barangay Dawo, Dapitan City niadtong Hunyo 17, 2026 ubos sa pagpanguna ni Acting City Fire Marshal FSINSP Rommel M. Rojas.
Pag-abot sa lugar, ilang nasusi ang usa ka pasyente nga conscious ug responsive apan nagreklamo og kasakit sa wala nga bahin sa gusok duol sa operasyon nga post-mastectomy site ug nagbati usab og kinatibuk-ang kahuyang sa lawas. Nasayran nga adunay kasaysayan sa breast cancer ang maong pasyente.
Sa pagkuha sa vital signs, namatikdan nga taas kaayo ang blood pressure sa pasyente nga miabot sa 210/120 mmHg. Gilayon siyang giatiman pinaagi sa pagpakalma, padayon nga pagmonitor, paghatag og oxygen support, ug pagpatuman sa tambal nga gimando sa doktor.
Human sa inisyal nga pag-atiman, luwas nga gidala sa responders ang pasyente ngadto sa Dr. Jose Rizal Memorial Hospital alang sa dugang nga eksaminasyon ug pagtambal. Naabot sa pasilidad ang pasyente nga conscious ug stable ug dayon giturn-over sa mga medical personnel alang sa padayon nga pag-atiman.(JENIFFER JR. DELICA)
Source: BFP R9 Dapitan City Fire Station